Kryeministri Edi Rama, e ka nisur ditën, duke thumbuar opozitën, ndërsa ka publikuar në rrjetet sociale një video, mbi transformimin e godinës së Drejtorisë së Targave dhe shtypshkrimeve.
Rama ka publikuar pamjet që tregojnë transformimin e godinës, ndërsa shprehet se në ndryshimet e ngritura gur pas guri pasqyrohet dallimi i madh mes socialistëve dhe atyre që ishin para tyre në pushtet.
“Mirëmëngjes dhe me një tjetër nga plot transformimet domethënëse që vazhdojnë, duke e ngritur gur pas guri murin e ndryshimeve ku pasqyrohet dallimi i madh mes nesh që shohim nga e ardhmja e atyre që janë thjesht e shkuara, ju uroj një javë të mbarë të gjithëve”, shkruan Rama.
Kryeministri njihet si politikani i vetëm i apasionuar pas fasadave. Këtë bëri edhe kur ishte kryebashkiak i Tiranës dhe vijon ta bëjë edhe sot si Kryeministër.
