Bashkimi Evropian po bën një hap drejt një bashkimi fiskal me planet e tij për t’u rikuperuar nga pandemia e koronavirusit, që përfshin huazimet e Komisionit Evropian në tregjet financiare, tha të hënën Ministri gjerman i Financave Olaf Scholz.
“Ne po shkojmë drejt bashkimit fiskal, një hap i madh përpara në kapacitetin financiar dhe sovranitetin e BE,” tha Scholz në një konferencë ndërparlamentare mbi stabilitetin, koordinimin ekonomik dhe qeverisjen në Bashkimin Evropian.
