Mbetet ende në hetim dosja për tentativën e vrasjes së prokurorit Arjan Ndoja. Kjo pas kërkesës që organi i prokurorisë ka bërë për shtyrjen e hetimeve edhe me tre muaj. Kërkesa me argumentin se ka nevojë për hetime të thelluara.
Kërkesa është pranuar nga gjykata.
Për këtë çështje është nën masën e sigurisë “arrest me burg”, Redjan Rraja, dhe personi i dytë i dyshur si bashkëpunëtor në krim, Arjol Halilaj. Atentati ndaj prokurorit Ndoja ndodhi në datën 1 nëntor të vitit të kaluar. Si pasojë mbeti i vdekur Andi Maloku, shoferi i prokurorit Ndoja, i cili u nda nga jeta pesë ditë pas atentatit në Spitalin e Traumës në Tiranë.
