Komisioneri për zgjerimin Oliver Varhelyi përmes një postimi në Twitter ka bërë me dije se është vetëizoluar pasi një pjestar i stafit të tij të afërt ka rezultuar pozitiv me Covid-19. Komisioneri thekson se ndihet mirë dhe pa simptoma, ndërkohë që testet e para një jave e kanë nxjerrë negative.
Postimi i Komisionerit
U informova sot se një anëtar i ekipit tim doli pozitiv për # COVID19. Në pritje të rezultateve të reja të testit, unë dhe anëtarët e ekipit po vet-izolohemi në përputhje me udhëzimet e shëndetit publik. Ndihem mirë, nuk kam simptoma, testet e mia gjatë javës së kaluar ishin negative. Qëndro i sigurt!
Kujtojmë se të mërkurën e kësaj jave komisioneri ishte në Tiranë ku takoi figurat kryesore politike në vend, si Kryeministri Edi Rama, Presidenti Ilir Meta apo edhe kreu i PD Lulzim Basha.
