Kryeministri Rama i është përgjigjur me shifra kryedemokratit Lulzim Basha në lidhje me investimet dhe financimet në bujqësi.
Përmes një videoje të postuar këtë mëngjes, kreu i qeverisë bëri një krahasim të investimeve në sektorin e bujqësië gjatë kohës së qeverisjes demokrate dhe socialiste, duke hedhur poshtë akuzat e Bashës një ditë më parë.
Gjatë një takimi me fermerët dje në Fier dhe Lushnje, Basha akuzoi qeverinë se ka lënë pas dore sektorin e bujqësisë dhe blegtorisë, për të cilat premtoi se me ardhjen në pushtet do të vendosë 100 mln euro subvencione në vit për fermerët. Por sipas kryeministrit investimet në bujqësi janë rritur në vitin 2020 me 165 %.