Ditën e sotme janë luajtur 7-të takime të vlefshme për Ligën e Kombeve. Vëmendjen më të madhe e ka marrë Grupi 4, aty ku bën pjesë Gjermania dhe Spanja.
“Panzerat” kishin përballë Ukrainën e Shevchenko-s të cilët i mundën 1-2 në Kiev, një sfidë kjo e dominuar nga gjermanët. Nga ana tjetër Spanja mposhti 1-0 Zvicrën në një ndeshje më të ekuilibruar. Iberikët nuk ishin në ditën e tyre më të mirë, por një gol i Mikel Oyarzabal i dha 3 pikët skuadrës.
Pas 3 ndeshjeve të luajtura, Grupi 4 kryesohet nga Spanja në kuotën e 7 pikëve, e ndjekur nga Gjermania me 5. Më pas renditen Ukraina e Zvicra me nga 3 dhe 1 pikë.
Për të kaluar më pas në Grupin 1, Luksemburgu mposhti 2-0 Qipron, ndërsa me të njëjtin rezultat triumfoi edhe Mali i Zi kundër Azerbajxhanit të De Biasit.
Grupi 2 pati tre sfida, aty ku Gjibraltari mundi në transfertë 0-1 Lihteshtejnin, ndërsa sfidat ndërmjet Ishujve Faroe-Letoni dhe Andorra-Malta u mbyllën në barazim, përkatësisht 1-1 dhe 0-0.
