Problemet te Tirana duket se nuk kanë fund. Kampionët në fuqi të Superligës po vuajnë nga dëmtimet e shumta të kontingjentit të lojtarëve.
Elton Kale operohet në shpatull, ndërsa Uinful Kobina nuk është në formë. Për të dy bardheblutë kanë një plan afatgjatë për t’i sjellë në formë lojtarët.
Problemi kryesor i Tiranës në këtë moment është Elton Kaleja. Mesfushori i majtë i bardhebluve prej një jave nuk stërvitet me ekipin. Ai shumë shpejt do të operohet në një spital privat. Lojtarit i është kthyer nxjerrja e shpatullës në kronike dhe për të luajtur duhet vetëm që të bëjë ndërhyrjen. Pritet që në spital të vijë një mjek nga Italia për ta ekzaminuar dhe operuar brazilianin.
Problemi nuk është ky. Sipas burimeve në klub, operacioni është shkalla e parë, ndërkohë që mungesa e lojtarit është halli kryesor. Nëse Kale operohet deri më 20 tetor, ai do të kthehet në fushën e lojës gjatë janarit. Gjithsesi, kjo nuk është përfundimtare.
Në rastin e Oduamadit, po lojtar i Tiranës, ky i fundit luajti vetëm ndeshjet e fundit të sezonit që si trajner nisi Ze Maria. Nga të gjithë urohet që Kale të ketë një dëmtim të lehtë dhe të kthehet sa më shpejt në fushë, pasi ai është një nga lojtarët më të mirë të bardhebluve.
