Kreu i qeverisë Edi Rama, njëherësh kryetar i PS, gjatë fjalës së tij në asamblenë e partisë nuk la pa sulmuar as Presidentin e Republikës Ilir Meta.
Ai tha se Metën nuk e zgjodhën socialistët për president pasi nuk i kishin vota, por ai u zgjodh me votat e veta dhe të socialistëve.
Sa i përket ftesave publike për debat që i janë bërë nga Meta, Basha dhe Kryemadhi, Rama tha se ende nuk është gati.
‘Ilir Meta u bë president me votat e veta dhe të PS, Ne nuk i kishim votat për të bërë një president siaps dëshirës tonë. Ne i dhamë opozitës një president të mirë, por se kisha menduar se i do të shkallonte deri në këtë pikë. Ose do të duhej të iknim në zgjedhje, por nuk e dinim i kishim apo si kishim votat prapë për president. Meta thotë hajde në debat, Luli më do në debat, Monika po ashtum vetëm Sali nuk më do. Tani Iliri le të bëjë debat me Monikën se kush është kryetar i LSI, se Ilir punon fshehurazi për LSI ky është fakt, që të dy janë aksionerë në atë ndërmarrje kjo është fakt. Që njëri bëhet president dhe e lë tjetrën kryetare LSI-je kjo sështë parë ndonjëherë. Pastaj të bëjë debatin me Lulin se kush ëhstë kryetar opozite. Po e fitoi debatin me lulin pastaj shofim. Kështu jo’, tha Rama.
Ndërkohë kreu i qeverisë ka përmendur edhe turin e kreut të shtetit Ilir Meta në Shqipëri i cili po dekoron atdhetarët që kanë dhënë jetën për vendin. Sipas Ramës kjo as nuk është parë e as nuk është dëgjuar më parë.
‘Meta është presidenti i parë dhe i fundit i një Republike që jep dekorata për ata që kanë vdekur para se ky të lundte. Mbretërit dhe presidentët nuk japin dekorata për ata që kanë vdekur më parë, sepse dekorata është një simbol që të shquan ty nga të tjerët për të gjallë mes të gjallëve, ka medalje të posaçme për ata që vriten në krye të detyrës sot. Ca borxhi i ka Shqiperia metës me atë që bëri mbrëme ke Fevziu’, theksoi Rama.
