Komisioneri i Bashkimit Evropian për Fqinjësi dhe Zgjerim, Olivér Várhelyi, u takua sot me kreun e Lëvizjes Vetëvendosje dhe disa nga anëtarët e kryesisë së saj. Në takim Kurti e njoftoi Várhelyit lidhur me qeverisjen e kaluar të Kosovës.
Lëvizja Vetëvendosje njofton se Olivér Várhelyin e pritën Albin Kurti, Besnik Bislimi, Glauk Konjufca dhe Fitore Pacolli.
Sipas VV’së, Kurti e njoftoi Olivér Várhelyin për menaxhimin e pandemisë, shkarkimin e bordeve, luftimin e korrupsionit dhe krimit të organizuar.
Kurti në fund theksoi se Kosova nuk ka dhe nuk dëshiron alternativë tjetër përveç Bashkimit Evropian.
