Areline Martinez ishte duke filmuar një skenë pengmarrjeje nga një “bandë e armatosur” kur një nga kolegët e qëlloi me armë në kokë dhe u largua nga skena e ngjarjes.
E reja vdiq tragjikisht kur u qëllua gjatë xhirimit të një videoje të rreme aksioni, për t’u postuar në rrjetin TikTok. 20-vjeçarja nënë e një fëmije po përdorte armë dhe municione të vërteta për lojën e xhiruar më 2 tetor.
Incidenti ndodhi në qytetin e Chihuahua në veri të Meksikës. Dëshmitarët thanë për mediat lokale se viktima u qëllua nga dy miqtë e saj me një pistoletë kalibër 45. Autorët ishin larguar nga skena e krimit dhe Martinez ishte gjetur përtokë me duart ende të lidhura.
Prokurori i Chihuahua, Cesar Augusto Peniche Espejel, tha: “Një nga hipotezat që po hetojmë është ajo e lojës me armët e zjarrit duke besuar se nuk ishte e mbushur dhe vrasjes aksidentale të gruas”.
