I ftuar në emisionin “Abc-ja e pasdites”, politikani Nard Ndoka tregoi një detaj interesant, por edhe fatkeq njëkohësisht, nga vitet e tij të rinisë.
Ndoka tregoi se si ishte kapur nga policia teksa po dëgjonte këngë sllave:
“Kontaktet tona me këngët sllave ishin më tepër si një kundërshti ndaj regjimit, duke dëgjuar dhe muzikë që ishte e ndaluar në atë kohë. Ishin vitet ’87-’88 kur filloi ai guximi pasi ishte problem dhe për njerëzit e shtëpisë se thonin ule zërin pasi dëgjon komshiu.
Ishim në plazh në Velipojë dhe së bashku me 5-6 çuna po dëgjonim këngë sllave. Po jepej një emision me këngë sllave, pasi ishte ngritur zëri vjen policia. Atëherë vinte policia të merrte radion dhe ta konfiskonte, të gjobiste, asokohe ishte 100 lekë gjoba”, tregon Ndoka.
Ishte një koinçidencë që ky vit ishte viti i lindjes së moderatorit të emisionit, Ermal Peçi.
Dhe Nard Ndoka, si gjithmonë, nuk e kurseu batutën as në këtë rast dhe tha:
“Kur ti linde, unë u arrestova.”
