Karim Benzema prej 11 vitesh tashmë ka qenë një nga futbollistët më të rëndësishëm për Real Madrid.
Francezi ka shënuar një epokë në Madrid, ndërsa roli i tij pas largimit të Cristiano Ronaldos ka marrë edhe më shumë peshë.
Sulmuesi tashmë shënon më shumë dhe qëndron më afër portës kundërshtare, teksa në kohën kur aktivizohej së bashku me CR7, privilegjet në fushë i kishte pikërisht luzitani.
“Ishte Ronaldo që shënonte më parë. Ndryshova veten time për të. Tani jam më i lirë në fushë dhe mua më pëlqen ta prek shumë topin. Me Cristianon ndryshova stilin, luaja për të. Kisha në skuadër njërin që shënonte dyfishin apo trefishin e golave të mi dhe duhej të adaptohesha.
Mendova se nuk do të më kushtonte asgjë të ndryshoja mënyrën time të të luajturit dhe të pasoja më shumë tek ai. Lashë mënjanë karakterin tim të bomberit”, u shpreh Benzema.
