Komisioneri për Zgjerimin Oliver Varhelyi pas fjalimit në Kuvend dhe takimit me kryeministrin Edi Rama, ishte edhe në Presidencë, ku u prit nga kreu i shtetit Ilir Meta.
Në një postim në rrjetet sociale, Komisoneri ka traguar detaje nga bashkëbisedimi me Metën.
Ai shprehet se çështje diskutimi me Presidentin Meta, ishin Plani Ekonomik dhe Investimet në Ballkanin Perëndimor.
“Diskutuam me Presidentin Ilir Meta në Tiranë sot në lidhje me reformat. Shqipëria duhet të vazhdojë në rrugën në BE. Gjithashtu prekëm Planin Ekonomik dhe të Investimeve për Ballkanin Perëndimor”, ka shkruar Varhelyi.
