Presidenti francez Emmanuel Macron ka thënë se do të ketë kufizime të reja kundër përhapjes së Covid-19, pasi vendi regjistroi një rekord të ri, si asnjëherë më parë, me gati 19,000 infeksione të reja.
“Në vendet ku sëmundja po përhapet shumë shpejt do të ketë kufizime të reja ,” tha Macron gjatë një interviste në dy rrjetet më të mëdha televizive të Francës.
“Kanë kaluar disa javë që virusi po qarkullon shpejt,” tha ai.
Presidenti francez tha se ishte e nevojshme të kishte më shumë kufizime në zonat ku Covid-19 “po qarkullon shumë shpejt”, pasi kushtet shëndetësore vazhdojnë të përkeqësohen në disa zona.
Pas Marsejës (në jug) dhe Guadelupës (Antile) dhjetë ditë më parë, masat e reja kufizuese hynë në fuqi të martën në Paris dhe rrethinat e saj më të afërta dhe Ministri i Shëndetësisë Olivier Veran do të raportojë mbi situatën nesër, të enjten pasdite.
Autoritetet shëndetësore franceze njoftuan sot 18,746 raste të reja të konfirmuara të COVID-19 në një periudhë prej 24 orësh.
Numri i njerëzve në Francë që kanë vdekur nga COVID-19 është rritur me 80 në 32,445, duke e çuar totalin në 653,509.
