Rrjeti social “Instagram”, në ditët e sotme është bërë pjesë e pandashme ku disa komentojnë pozitivisht e disa të tjerë tregohen negativ dhe dinë vetëm të ofendojnë apo edhe mallkojnë të tjerët. Një gjë e tillë i ka ndodhur ish-konkurrentit të Big Brother, Olsi Klosit.
I ftuar në “Ftesë në 5” ai tha se kur darkon në ndonjë restorant, shpesh zgjedh opsionin që postimet mos t’i shohin të afërmit e tij. Olsi thotë se ata do të thonë, “ne kemi halle, e ti shkon për qejf në restorant”. Më tej ai shtoi se ka persona që thonë, “mos të raftë në bark apo edhe të ngectë në fyt”.
“Ne kemi halle dhe ti shkon për qejf në restorant. Nuk është jeta një makarona me fruta deti dhe ke kap veten. Unë kam gatuar për tre muaj në Big Brother dhe kam qejf gatimin, çfarë ka këtu. Kur shef komente, të ngectë në fyt, mos të rëntë në bark. Nuk e di vetëm me i marrë një herë për drekë ose për darkë”, tha Olsi.
