Një plagosje me thikë ka ndodhur në Sukth të Durrësit pasditen e sotme.
Policia njoftoi se rreth orës 14:30, pas një konflikti të çastit për motive të dobëta, është goditur me thikë shtetasi E.Ç., i cili është dërguar në spital nën kujdesin e mjekëve.
Autori i dyshuar i kësaj ngjarje është shtetasi M.M., i cili ndodhet po ashtu në spital për ndihmë mjekësore pasi është lënduar si pasojë e konfliktit.
Grupi hetimor ndodhet në vendngjarje dhe po punon për zbardhjen e ngjarjes, të dy palët e konfliktit ndodhen nën mbikëqyrjen e Policisë deri në zbardhjen e plotë të rrethanave të ngjarjes, shtuan të njëjtat burime.
