Një aksident me pasojë plagosjen e një personi ka ndodhur këtë mbrëmje në zonën e Lungomares në Vlorë.
Në aksident janë përfshirë një automjet dhe një motor. I plagosur ka mbetur drejtuesi i këtij të fundit.
Identiteti i tij ende nuk bëhet me dije ndërsa mësohet se është dërguar në spital për të marrë ndihmë mjekësore.
Raportohet se gjendja e të plagosurit është jashtë rrezikut për jetën.
Policia dhe grupi hetimor ndodhen në vendngjarje për të zbardhur shkaqet dhe dinamikën e aksidentit.
Dyshohet se përplasja ka ndodhur për shkak të shpejtësisë tej normave të lejuara të automjetit, duke mos përjashtuar edhe lagështirën në rrugë.
