Humbja e thellë 6-1 e Manchester United përballë Tottenhamit i ka lëkundur ndjeshëm pozitat e Ole Gunnar Solskjaer në stolin e “Djajve”.
Drejtuesit e “Djajve të Kuq”, sikurse njofton “DailyMail”, kanë kontaktuar argjentinasin Mauricio Pochettino për të parë mundësinë e zëvendësimit të norvegjezit. Ish-trajneri i Tottenhamit është i lirë që kur u largua nga “Spurs”-at 11 muaj më parë dhe po pret sfidën e tij të ardhshme në krye të një skuadre.
Pochettino qëndroi 5 vite në stolin e Tottenhamit, duke arritur deri në finale të Championsit. Megjithatë, vetëm pesë muaj pas humbjes 2-0 me Liverpoolin, 48-vjeçari u shkarkua pas një sërë paraqitjesh të dobëta dhe u zëvendësua nga Jose Mourinho.
Skuadra e Man.United ka bërë një start tepër të dobët të sezonit, teksa në 3 ndeshjet e para të kampionatit kanë humbur në raste, ndërsa suksesi i vetëm është ai ndaj Bighton 2-3.
