Gara për një vend vakant në Gjykatën Kushtetuese nga lista e Presidentit, vijon të mbetet shumë e fortë.
Këshilli i Emërimeve në Drejtësi (KED), në një mbledhje të mbyllur mesnatën duke u gdhirë e Marta, ka vendosur skualifikimin e 4 prej aplikantëve që kishte në shqyrtim, nga një listë prej 10 kandidatësh, për një vend në Gjykatën Kushtetuese.
Kandidatët e shkualifikuar janë Sergjio Mazreku, Sinan Tafaj, Shaqir Hasanaj, Zhaklina Peto.
Ndërsa kandidatët e kualifikuar janë Sonila Bejtja dhe Eugen Papandile. Të Premten, KED do vijojë me procedurën e verifikimit për shqyrtimin e gjetjeve, për ta.
Më herët, për këtë pozicion është kualifikuar dhe kandidati Altin Binaj.
Gjykata Kushtetuese, që duhet të ketë nëntë anëtarë, vijon ende të mos jetë funksionale. Aktualisht, janë 4 anëtarë të Gjykatës Kushtetuese në detyrë, nga të cilët, njëra prej tyre, kryetarja në detyrë Vitore Tusha, është me mandat të përfunduar.
