Halit Valteri dhe Damian Gjinuri kanë pasur një debat verbal mes tyre në ambientet e jashtme të Kuvendit, ndërsa ndërhyrja e disa deputetëve dhe punonjësve të sigurisë, ka shmangur ndoshta një përplasje fizike.
Debat i ashpër ka ndodhur në ambientet e jashtme të Kuvendit. Fillimisht ata kanë debatuar, por nga pamjet duket qartë që Valteri e ka goditur disa herë në shpatull Gjiknurin në formë kërcënimi dhe më pas ka tentuar ta qëllojë shpejt në fytyrë.
Nuk dihet se pse dy deputetët kanë acaruar raportet, ndërkohë që Kuvendi pritet të miratojë ndryshimet në Kodin Zgjedhor.
Mësohet se dy ligjvënësit nuk kanë kursyer tonet, sharjet dhe kërcënimet e ndërsjellëta.
Valteri ka sqaruar se është kërcënuar nga Gjiknuri.
“I bëj thirrje Ramës që ta tërheqi këtë qen bir qeni, sepse unë i zgjidh problemet si ti dojë ai”, tha Valteri. Ky i fundit i bëri thirrje Ramës ta largojë Gjiknurin nga Kuvendi, duke e quajtur mbeturinë.
