Ish-Kryeministri Sali Berisha ka dalë sot në mbështetje të naftëtarëve të Ballshit, që prej 8 ditësh kanë nisur një grevë urie, por janë shpërfillur nga Qeveria.
Berisha i ka bërë thirrje, qytetarëve të Mallakastrës dhe të Fierit që t’i bashkohen protestës së këtyre punonjësve që po shkojnë drejt vetëfljimit për mundin e tyre të grabitur.
“Qëndrim cinik, çnjerëzor nga Edvin Hajduti ndaj naftëtarëve në grevë urie. Pasi i kanë vjedhur me Besnikët e Partisë dhe nuk iu kanë dhënë 20 muaj rroga, tani Edvin Hajduti dhe Besnikët e tij me qëndrimin e tyre çnjerëzor i çojnë drejt vetëflijimit.
Pas tete ditësh grevë urie, asnjeri nuk ka folur me grevistët që kërkojnë rrogat e tyre të plaçkitura.
Dënoj me ashpërsi të madhe këtë qëndrim kriminal ndaj tyre dhe ju bëj thirrje qytetarëve të Mallakastrës dhe Fierit të mbështesin me protesta naftëtarët që po flijohen për të drejtat e tyre”, shkruan Berisha.
