Deputeti socialist Damian Gjiknuri, javët e fundit është shndërruar në ‘çunin problematik’, të cilin të gjithë duan ta ‘’rrahin’.
Vetëm pak javë më parë pas mbledhjes së Asamblesë socialiste, pati një përplasje verbale mes Gjinurit dhe numrit dy të PS, Taulant Balla, ku siç u pa dhe në foto që u shpërnda menjëherë në rrjet shikimi i tyre tregonte se urrejtja e Taos për Damianin dhe anasjelltas ishte shumë e madhe.
Madje zërat thonë se nëse nuk do të ishin në rrugë, ata mund të kishin shkëmbyer edhe grushte ndaj njëri-tjetrit, pasi siç flitet Balla tentoi t’i marrë përkohësisht meritat për rolin në Këshillin Politik.
Por sot Damiani shpëtoi në ‘fije të perit’ nga grushtet e deputetit Halit Valteri, i cili doli vrullshëm nga ambinetet eKuvendit dhe ju drejtua me shumë grintë deputetit socialist.
Siç u pa edhe në videon që u bë publike, jo një herë, por 3 herë Valteri tentoi të godasë me grusht Damianin, por u duk sikur një forcë e ‘mbinatyrshme’ ndalte deputetin opozitar të lëshonte goditjet e tij ndaj Gjiknurit.
Mesa duket guruja indian Paramahamsa Vishewanda, përveç ‘fshesës’ politike të Ramës i cili e largoi nga ministër dhe e riktheu si përfaqësues të rilindjes në Këshillin Politik, po e mbron dhe nga grushtet e miqve në parti dhe kundërshtarëve politikë në parlament.
Për Damianin paratë e taksapaguesve shqiptarë me të cilat ai prej vitesh paguan gurunë e tij indian ja paskan vlejtur çdo qindarkë, pasi i shpëtoi burgut pas skandalit të votave, i shpëtoi fshesës së Ramës, ku u rikthye edhe më i fortë në pozicionin politik, së fundmi po u shpëton edhe grushteve të kundërshtarëve. /Taulant Halili/ Boldnews.al
