Pjesa e parë mes Man.United dhe Tottenham, është mbyllur 1-4 në favorin e skuadrës londineze.
Të parët që kaluan në avantazh ishin “Djajtë e Kuq”, të cilët realizuan vetëm në minutën e parë të takimit. Vendasit fituan një penallti të cilën e ktheu në gol Bruno Fernandes.
Më pas minutat në vazhdim folën vetëm për skuadrën e Mourinhos. Tottenham përmbysi shifrat shumë shpejt me golat e Ndombele dhe Son Heung Min në minutat 4’ dhe 7’.
Situata për United u përkeqësua pas daljes me të kuqe të sulmuesit Martial në minutën e 28-të. Francezi goditi lehtë në fytyrë Eric Lamelan, një veprim ky që nuk u tolerua aspak nga gjyqtari i takimit, Taylor, i cili i nxorri menjëherë kartonin e kuq.
Duke parë këtë situatë, Tottenham përfitoi dhe shënoi edhe dy herë të tjera me anë të Harry Kane dhe përsëri me Son Heung Min në minutat 31′ dhe 37′.
Një 45 minutësh krejtësisht për tu harruar për skuadrën e udhëhequr nga Solskjaer ku shpresat për të nxjerrë diçka nga kjo ndeshje janë minimale.
