E priste Milani, por përfundon te Napoli. Pas pa më shumë se një viti, Tiemoué Bakayoko kthehet në Serinë A. Sërish nën urdhrat e Rino Gattusos, që ketë radhë do ta ketë në dispozicion të tij me fanellën e kaltër.
Marrëveshja me Chelsea-n është arritur për huazimin vjetor të mesfushorit, i cili do të luajë në Napoli deri më 30 qershor 2021. Futbollisti ka zbarkuar në Romë për ekzaminimet mjekësore, që do t’i paraprijnë njoftimit zyrtar nga Napoli.
Klubi më i interesuar për Bakayokon ishte Milani, por negociatat me Chelsea-n kurrë nuk u konkretizuan. Kështu Napoli e shfrytëzoi mundësinë që iu dha, duke përforcuar organikën me një mesfushor cilësor.
