Këtë të shtunë, mjeku i cili po trajton presidentin amerikan, Donald Trump tha se, gjendja e tij është e mirë, ai nuk nevojë për oksigjen shtesë, nuk ka pasur ethe në 24 orët e fundit dhe simptomat e tij po përmirësohen.
Ky ishte buletini i parë zyrtar që u dha që nga momenti kur Donald Trump u shtrua në spital pas infeksionit Covid-19. Por optimizmi i shfaqur në publik nga ekipi i “Ëalter Reed” bën kontrast me thashethemet e mbledhura aty-këtu nga gazetarët që ndjekin Shtëpinë e Bardhë. Një burimi që po e ndjek nga afër shëndetin e Trump-it thotë:
“Shenjat jetike të presidentit në 24 orët e fundit ishin shumë shqetësuese dhe 48 orët e ardhshme do të jenë vendimtare për shëndetin e tij.”
Përkundër një serie pyetjesh, panorama është ende e paqartë.Mjeku Sean Conley përsëriti disa herë se nuk e dinte kur mund të dilte nga spitali udhëheqësi amerikan.
“Ne do ta vlerësojmë situatën nga dita në ditë. Po trajtojmë inflamacionin. Presidenti është mirë me shëndet. Funksionet e presionit, zemrës dhe veshkave janë të mira.”- tha mjeku. / Burimi: Corriere della Sera
