Everton-i i Carlo Ancelotti-t ka marrë fitoren e katërt në po kaq ndeshje të luajtura në këtë sezon të Premier League.
Viktima e radhës ka qenë Brighton, i mposhtur 4-2 në Goodison Park. Takimi është zhbllokuar nga Calvert-Leëin në minutën e 16-të.
Anglezi, që kryeson renditjen e golashënuesve të kampionatit me 6 realizime, ka shënuar më shumë gola se çdo lojtar tjetër i pesë kampionateve kryesore të Europës në ndeshjet e këtij sezoni të luajtura në të gjitha kompeticionet (9).
Brighton ka barazuar përkohësisht rezultatin me Maupay-n në minutën e 41-të, por vendasit janë kthyer në avantazh në fundin e pjesës së parë me Yerri Mina, i cili ka marrë një asist nga James Rodriguez.
Protagonisti i pjesës së dytë ka qenë James Rodriguez, autor i dy golave në minutën e 52-të dhe 70-të. Në fundin e takimit ka ardhur edhe goli i dytë i miqve dhe i fundit i takimi, i realizuar nga Bissouma, që ka mposhtur Pickford me një goditje të mrekullueshme nga jashtë zone.
Everton ka fituar katër ndeshjet e para të kampionatit për herë të parë që nga sezonin 1969/70. Toffees fituan titullin në atë sezon.
