Ish-ministri dhe deputeti i Partisë Demokratike, Genc Pollo reagon pas akuzave që lëshoi kryeministri Edi Rama këtë të Premte ndaj Bashkimit Europian.
Gjatë fjalës së tij në mbledhjen e përbashkët të dy qeverive, asaj të Shqipërisë dhe Kosovës, Rama tha se është faji i Bashkimit Europian që Kosovës nuk i janë liberalizuar ende vizat dhe Shqipërisë nuk i janë hapur negociatat me BE-në.
Teksa komenton deklaratat e Ramës, Pollo shprehet se “si gjithmonë fajin (Ramës) ja kanë të tjerët”!
“Sot fajin ja ka Europa. E shau Bashkimin Europian gjoja për Kosovën, por në mendje kishte refuzimin europian ndaj despotit ballkanik që ai përfaqëson. Jo vetëm nuk do t’ia dijë për kushtet, por po prish me dorë dhe ato gjëra që nuk ishin problem. Rama po vulos shkëputjen e Shqipërisë nga Maqedonia e Veriut, e cila merr konferencën e parë në dhjetor. Konferencën e Shqipërisë e çon në esfel sa të jetë ai aty ku është. Por nuk ka si të jetë gjatë aty. Çfarëdo që të bëjë nuk e shtyn më gjatë se prilli. Ai muaj do të jetë kthesë për shumëçka, edhe për negociatat me BE”, shkruan ish-deputeti në një reagim në rrjetet sociale.
