Milan zyrtarizoi dhe prezantoi në kohë rekord talentin norvegjez Jens Petter Hauge, i blerë nga Bodo Glimt.
Ylli 20-vjeçar, i cili shkëlqeu në përballjen kundër kuqezinjve të vlefshme për Europa League, ka firmosur për 5 vite në Milano.
Klubi italian ka depozituar 4 milionë euro në arkat e klubit norvegjez, ndërsa futbollistit do t’i ofrohet një pagë prej 1 milion eurosh në vit.
Hauge do të veshë fanellën me numrin 15 dhe do të jetë i gatshëm nga pankina që prej ndeshjes së kësaj të diele, që Milan do të luajë kundër Specias.
