Pak kohë më parë, Elisa Spiropali, nuk do të nguronte që ta quante Kryeministrin Edi Rama si Skënderbeu i kohëve moderne.
Në një takim mes rilindasve në Tiranë, Spiropali ndoshta e emocionuar, duke parë edhe monumentin e Skënderbeut në Tiranë, mendoi ta krahasonte Edi Ramën me heroin kombëtar të shqiptarëve.
Krahasimi i Elisës pasoi me meme dhe batuta në rrjetet sociale, ndërsa vetë ministres së Ramës, iu vu emri Mamica.
Sot një tjetër ministres, Belinda Balluku, ka menduar që Ramës ti shkurtojë emërtesën e postit Kryeministrit.
“Megjithatë KM ne kemi menduar ta ruajmë këtë ndërtesë dhe të bëjmë një rikonstruksion dhe të ndërtojmë atë muzeun me të gjitha nënstacionet e vjetra. Po mendojmë ta përfshijmë edhe në planin e zhvillimit të zonës”, u shpreh Balluku, ndërsa bashkë me Ramën ndodhej në zonën e Kombinatit.
