Shorti i Ligës së Kampioneve, ka rezervuar surpriza të mëdha teksa të gjithë sytë janë te Grupi G, aty ku Juventusi dhe Barcelona do të përballen me njëra-tjetrën.
Gjithsesi më shumë se përballja mes këtyre dy nga klubeve më të mëdha në botë, e veçanta qëndron se Cristiano Ronaldo rigjen rivalin e tij të përjetshëm, pikërisht Leo Messin në një duel tashmë të ripërtërirë.
Shortin e ka ndjekur me shumë kujdes edhe futbollisti i Kombëtares sonë, Myrto Uzuni i cili aktivizohet në radhët e klubit hungarez Ferencvaros. “Dua Juventusin në grupe dhe nuk kam aspak dyshime.”- u shpreh pak ditë më parë Uzuni, teksa dëshironte të përballej me idhullin e tij, Cristiano Ronaldo.
Lutjet e tij janë dëgjuar pasi Ferencvaros do të bëjë pjesë në Grupin B, ndërsa 25-vjeçari krahas CR7 do të ketë mundësinë e artë të ndjekë nga afër edhe fenomenin Messi.
Me siguri një ditë me plot emocione për legjionarin kuqezi, teksa do të përballet kundër ndoshta dy futbollistëve më të mëdhenj të historisë së futbollit.
