Numri një i dikasterit të Ministrisë së Brendshme u pyet nga moderatori Sokol Balla edhe për marrëdhënien e tij me Drejtorin e Përgjithshëm të Policisë Ardi Veliu. “Nuk ka asnjë përplasje mes meje dhe Drejtorit të Përgjithshëm të Policisë së Shtetit. Marrëdhenia ime me atë të drejtorit janë të rregulluara me ligj. Nuk ka pasur rënie në kurbën e këtyre marrëdhenieve. Do të kem marrëdhenie institucionale, të ftohtë, serioze. Ne nuk jemi ortak, por partner që na bën ligji, ndershmëria e komunikimit, përgjegjësia”, tha Lleshaj.
Nuk duket qesharake kur krahasoni drejtorin e policisë me atë të zjarrëfikësit?
Nuk e thashë këtë. Por desha të them që raporti i ministrit me atë të drejtorit të policisë dhe drejtorëve të tjerë është institucional. Zyrtarët e shtetit duhet të funksionojnë si zyrtarë të tij. Kam konsideratë për Ardi Veliun, E ka mbështetjen tim. Kjo s’do të thotë që ju duhet të shihni melodrama mes meje dhe tij. Unë dua të lë një model ndryshe të sjelljes, jo një ministër Rambo, një ministër që fut hundët gjithandej. Po ju them se marrëdhenia është e pacënuar. Policia e shtetit është një nga organizatat më të respektuara sepse ka paguar çmimin më të lartë për ne, 224 dëshmorë në vitet e demokracisë. Punojnë në kushte të pafavorshme.
Kam deklaruar se identifikohem me çdo punonjës policia, por edhe distancohem nga ata kur lenë rrugën e ligjit. Ardi Veliu për rastin që pati nuk kërkoi mbështetjen time pas deklaratës që bëri. Unë e mbështes por në ato raste unë nuk mbështes as veten time dhe as vëllain tim. Unë e kam përshëndet autokritikën që ai bëri.
