Është arrestuar nga policia 26-vjeçari Ladjen Kadilli. Burime për media bëjnë me dije se i riu ishte shpallur në kërkim për tentativë vrasje.
Sipas raportimeve për mediat, i riu është arrestuar në Unazën e Re nga patrullat e vendosura në atë zonë, të cilat ndaluan një mjet, dhe pas kontrollit rezultoi se shoferi (Kadilli) ishte person i shpallur në kërkim.
Kadilli ishte shpallur në kërkim për tentativën e vrasjes ndaj Gentian Rahmanit. Ngjarje e ndodhur po në zonën e Unazës së Re ku Rahmani u plagos në këmbë.
Kadilli rezulton me precedentë penale i përfshirë edhe në disa plagosje në Durrës. Gjatë kontrollit fizik policia i gjeti në makine një armë zjarri tip pistolete Makarov, e cila ishte gati për qitje (me fishek në fole).
Kujtojmë se më 26 gusht Kadilli u përfshi në një tjetër ngjarje kriminale, pasi u përfshi në një sherr me djemtë e deputetit, Spartak Braho, që degjeneroi në kanosje me armë.
