Kryetari i Partisë Demokratike, Lulzim Basha deklaroi këtë të Mërkurë se me planin e PD-së për ekonomisë, paratë shkojnë aty ku kanë nevojë njerëzit.
“Nuk pret koha, kemi dalë me propozim konkret. Shqipëria nuk e ka luksin të vazhdoje me këtë rrugë”, tha Basha në një prononcim për gazetarët, gjatë një vizite në një fasoneri në Vorë.
“Gjithë shqiptarët e kanë kuptuar se ka ardhur koha për ndryshim. Për fat të keq, këto 6 muaj ende drejton një kryeministër palaço që vetëm shan, po nuk e fsheh dot të vërteten. Në vend që të ndihmojë njerëzit, vazhdon të bëjë palaçon. Sa do të shajë, të vërtetën nuk e fsheh dot! Taksat të shkojnë për të ndihmuar biznesin dhe shqiptarët. Sot dhe ditë për ditë nuk do lodhem së përsërituri që nuk ka kohë për sharlatanizma, por për të marrë përgjegjësi, sepse vendi është në krizë dhe tryezat e shqiptareve janë bosh”, tha Basha.
