Vendimi/ Më 2 Nëntor, nis viti i ri akademik

Viti i ri akademik 2020-2021 do të fillojë më datë 2 Nëntor. Urdhri është firmosur nga Ministrja e Arsimit, Evis Kushi.

Ndërkohë, ditën e nesërme, shënohet edhe nisja e raundit të dytë të regjistrimeve në 35 universitet publike e private të vendit. Raundi i parë u mbyll në mes të shtatorit.

Raundi dytë nis në 30 shtator dhe mbyllet në 9 tetor. Data 10 dhe 11 tetor janë në dispozicion të maturantit për t’u ç‘regjistruar dhe të vazhdojë më pas me raundin e tretë.

15 mijë maturantë u regjistruan në raundin e parë dhe rreth 7000 maturantë kanë aplikuar në raundin e dytë. 40% e maturantëve të regjistruar janë me mesatare nga mbi 8.5 deri në 10.

LEXO EDHE  U ekzekutua në sy të gruas/ Ky është 50-vjeçari i vrarë në Fier (Foto)

Janë ezauruar në raundin e parë kuotat për Mjekësi të Përgjithshme, Stomatologji, Infermieri, Farmaci, degë të Informatikës. Janë ezauruar kuotat e degëve kryesore te Universiteti i Sporteve dhe ai i Arteve. Kuota të lira, në raundin e dytë, ka në disa universitete rajonale dhe disa dege klasike në Tiranë, si degë të Ekonomikut, Juridikut, në Universitetin Bujqësor dhe në Universitetin Politeknik.