Mjekët turq injektuan vaksinën kundër koronavirusit të ri te një punonjës i shëndetësisë, raportoi media shtetërore turke “Anadolu Agency”.
Asim Bashturk, 53-vjeç, doli vullnetar në fazën e tretë të testit të vaksinës të zhvilluar nga Kina.
Duke folur për gazetarët, Mustafa Sait Gonen, dekani i Fakultetit kryesor turk të Mjekësisë, të Universitetit Cerrahpasha në Stamboll, tha se “filluam testimin e fazës 3 të vaksinës me origjinë kineze nga shkolla mjekësore Cerrahpasha”.
“Kjo është një ditë e rëndësishme për Fakultetin e Mjekësisë Cerrahpasha. Kjo luftë (kundër virusit) vazhdon në Cerrahpasha, si në spitalet e tjera dhe në botë”, shtoi ai.
“Unë u bëra vullnetar me vullnetin tim. Sigurisht, ne duam që ky (virus) i cili po krijon telashe për Turqinë dhe botën të eliminohet së shpejti”, tha Bashturk.
