Bilanci ditor i Covid/ 127 raste të reja dhe 4 humbje jete. Harta e të prekurve

Katër persona të infektuar me koronavirus kanë humbur jetën në 24 orët e fundit, duke e çuar në total në 384 numrin e vdekjeje nga Covid-19.

Nga 820 teste, rastet e reja janë 127, për një total prej 13 518 të prekurish që prej fillimit të pandemisë (nga 87 198 tamponë).

Në dy spitalet Covid, janë të shtruar 190 pacientë, prej të cilëve 16 në terapi intensive dhe 5 të intubuar.

103 të infektuar janë shëruar në 24 orët e fundit, duke e çuar në 7 732 numrin e të shëruarve që prej fillimit të pandemisë.

Rastet aktive numërohen 5 402.

Në krahasim me një ditë më parë, këtë të Martë u shënua një humbje jete më shumë, 5 raste të reja më pak dhe 8 të shëruar më shumë. Në spitale janë pesë pacientë më shumë të shtruar. Rritje shënuan dhe rastet aktive me 20 të infektuar më shumë se një ditë më parë.

Bilanci i përditësuar

Mirela Cami nga Ministria e Shëndetësisë informoi për bilancin e përditësuar:

“Janë kryer 820 testime dhe janë konfirmuar 127 të prekur me virusin Sars-Cov 2 në këto bashki: 75 raste në Tiranë, 8 në Korçë, nga 5 raste në Fier, Gramsh, nga 4 raste në Lushnje, Berat, nga 3 raste në Shkodër, Kavajë, Mirditë, nga 2 raste në Krujë, Elbasan, Gjirokastër, Kuçovë, nga 1 rast në Durrës, Devoll, Has, Vlorë, Pukë, Librazhd, Dibër, Roskovec, Patos.

Në 24 orët e fundit, 103 qytetarë e kanë fituar betejën me Covid-19 duke e çuar numrin e të shëruarvë në 7 732 që nga fillimi i epidemisë.

Aktualisht në spitalin Infektiv dhe ‘Shefqet Ndroqi’ po trajtohen 190 pacientë, 16 në terapi intensive nga të cilët vetëm 5 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID 19, një 65 vjeçar nga Vlora dhe 3 qytetarë nga Tirana: një 59-vjeçar, një 75-vjeçar, një 76-vjeçar, me sëmundje bashkëshoqëruese”.

Shpërndarja gjeografike e rasteve aktive, sipas qarqeve:

  • Tiranë 2632
  • Durrës 591
  • Shkodër 391
  • Elbasan 318
  • Lezhë 305
  • Korçë 252
  • Fier 244
  • Vlorë 198
  • Kukës 154
  • Berat 112
  • Dibër 107
  • Gjirokastër 78
LEXO EDHE  Paloka publikon videon e Veliajt: I shpëtoi goja, tregoi planin e shefit për zgjedhjet

https://www.facebook.com/OgertaManastirliu/videos/657948924855733/