Ministri i Brendshëm Sandër Lleshaj ka reaguar sot lidhur aludimet se ai mund të jetë lëvizja e rradhës në Qeverinë Rama, pas largimit të Besa Shahinit.
Ai tha se do të vazhdojë të qëndrojë në detyrë duke e kryer atë me përkushtim.
“Nëse besoni burimet tuaja është përgjegjësi e juaj. I kam dëgjuar vonë, dhe nuk e kam zakon të komentoj lajme pa kuptim. Jam në detyrë dhe vijoj të përmbush me përgjegjësi dhe angazhim maksimal detyrën.
Nuk ka asgjë të vërtetë në ato që thoni ju dhe unë vazhdoj detyrën. Lajmet që prodhohen do të thotë se sa të rëndë e kemi procesin e informimit në Shqipëri”, tha Lleshaj.
Në fakt ministri i Brendshëm në reagimet e tij ka qenë i paqartë,ndoshta edhe nga fakti se nuk ka pasur siguri nëse Kryeministri Edi Rama do të vijonte ta mbante ose jo në postin qeveritar.
Fillimisht Lleshaj u largua si drejtues politik nga Qarku i Lezhës, më pas vetë pohoi se posti ministror nuk është i përjetshëm dhe se një ditë do të largohej, pastaj e la evazive nëse do të qëndronte në detyrë deri më 25 prill, ndërsa sot u shpreh i bindur se do të jetë ministër.
