Vasili në mbështetje të naftëtarëve të Ballshit: U janë vjedhur pagat nga qeveria dhe oligarkët

Nënkryetari i LSI, Petrit Vasili, është shfaqur në mbështetje të naftëtarëve të Ballshit, të cilët sot kanë nisur një grevë urie pa afat, deri në plotësimin e kërkesave të tyre nga ana e Qeverisë.

Vasili, përmes rrjeteve sociale, thekson se qindra naftëtarëve u janë vjedhur pagat, u është vjedhur buka e gojës nga qeveria dhe oligarkët e saj.

“Naftëtarët e Ballshit dhe maskarenjtë e qeverisë!

Qindra naftëtarëve u janë vjedhur pagat, u është vjedhur buka e gojës nga qeveria dhe oligarkët e saj.

Armo është shndërruar në plaçkë për vjedhje, për fushatë dhe emërime elektorale. Qindra naftëtarë janë mashtruar në çdo fushatë elektorale nga rilindja me premtime të pacipa.

LEXO EDHE  Testi i thjeshtë i frymëmarrjes që mund të diagnostikojë Covid-19 brenda një minute

Sot naftëtarët janë pa bukë dhe pa shpresë, sepse qeveria i braktisi në mjerim në mes të katër rrugëve, megjithëse kanë fituar ligjërisht të gjithë të drejtat e tyre.

Qeveria dhe policia e rilindjes i godet dhunshëm dhe egërsisht naftëtarët, që i ka vjedhur ditën për diell.

Maskarenjtë e qeverisë duhen ndëshkuar pa asnjë hezitim”, shprehet Vasili.