Pezullohet nga detyra Artan Shkëmbi, drejtor në Drejtorinë Qendrore, në departamentin e Policisë Kriminale në Drejtorinë e Përgjithshme të Policisë së Shtetit.
Artan Shkëmbi ka qenë edhe kreu i task forcës “Forca e Ligjit”. Dyshohet se ai ka dekonspiruar aksione policore.
Raportohet se ky informacion i është përcjellë Prokurorisë së Posaçme Anti-Korrupsion, ku pas hetimeve të kryera, ka kërkuar në GJKKO masën e pezullimit nga detyra. Vendimi i pezullimit të Artan Shkëmbit pak ditë më parë, i është përcjellë edhe kreut të policisë së Shtetit Ardi Veliu që ia ka komunikuar Shkëmbit duke e zhveshur nga posti në Polici, deri në përfundim të hetimeve të nisura ndaj tij.
Ne janar, Artan Shkëmbi kaloi me sukses procesin e Vettingut në polici duke qenë i pastër në të tri kriteret e vlerësimit, atë të pasurisë, pastërtisë së figurës dhe anës profesionale, por komisioni i jashtem i vleresimit evidentoi se ka qene pjese e sigurimit te shtetit.
