Këtë të enjte, në disa media u raportua se Fjolla Morina ka lidhje intime me një nga dy personat me të cilët u ndalua nga policia në pikën kufitare të Morinës fundjavën e kaluar: biznesmeni Fysnik Syla.
Në një reagim në rrjetet sociale, këngëtarja shprehet se, kjo është një keqdashje e pastër.
“E kuptoj mjak mirë që të jesh person publik, çdo gjë do të hiperbolizohet, por deri në një farë pike. Të gjithë në këtë jetë nuk jemi të pagabueshëm e ju që drejtoni gishtin nga unë bëni mirë të numëroni gabimet tuaja nganjëherë. Çfarë s’kam lexuar këto ditë për veten time! Gjëra që unë si dija… Por të shkruani me emër e mbiemër për dikë i cili nuk ka asnjë lidhje intime me mua, kjo është keqdashje e pastër. Po shkatërroni familjen e një njeriu i cili nuk meriton të ketë “show”. Po shkruani gjëra të paqëna dhe po lëndoni familje e fëmijë. Fajet e mia i marr vetë mbi sup, ama ligësinë për pak para klikimesh nuk e kuptoj, mos fusni në valle njerëz familjarë”, shkruan Fjolla.
Pas arrestimit pasi iu gjet një armë në cantë, këngëtarja ndodhet nën masën arrest shtëpie në një banesë në Kukës, me vendim të gjykatës së rrethit.
Lexo edhe:
“Shtatzënia” shtyu vendimin/ Lirohet Fjolla Morina, lihen në qeli dy shoqëruesit
