Shteti shqiptar është paditur në Gjykatën e Arbitrazhit në Uashington nga Kompania ‘Durrës Container Terminal’ Sha dhe investitorë të tjerë në koncesionin e përpunimit të kontejnerëve.
Sipas një artikulli në portalin Global Arbitration Review, kompanitë Kurum Shipping shpk, Durres Container Terminal Sha, Metal Commodities Foreign Trade Corp e regjistruar në SHBA dhe Altberg Developments LP në Britani kërkojnë dëmshpërblim prej 100 milionë eurosh për prishje të kontratës koncesionare.
Anulimi i kontratës së koncesioni ka ndodhur disa muaj më parë, pas një beteje të gjatë ligjore mes kompanisë turke Kurum dhe Ministrisë së Infrastrukturës dhe Energjisë.
