GJKKO do të vendosë sot nëse çështja ndaj Luan Dacit, anëtarit të pezulluar të KPA-së, i akuzuar për fallsifikm dokumentesh, do të kalojë ose jo për gjykim. Daci ndodhet i pranishëm në seancën paraprake, ndërsa shorti i hedhur pak javë më parë ka përcaktuar gjyqtaren Ilirjana Olldashi për gjykimin e procesit.
Luan Daci u pezullua si anëtar i KPA, pasi është marrë i pandehur për falsifikim të dokumenteve. Daci u pezullua në 20 maj të këtij viti dhe u mor në hetim nga Struktura e Posaçme e Anti-Korrupsion por Apeli e rrëzoi vendimin duke e rikthyer në detyrën gjyqtarin vetëm 2 javë më pas.
Tashmë ai është marrë zyrtarisht i pandehur dhe bazuar te ligji në fuqi çdo prokuror apo gjyqtar që merret i pandehur pezullohet automatikisht deri në përfundim të gjyqit.
