Gareth Bale, tashmë lojtari më i ri i Tottenham, ka folur për Sky Sports lidhur me epokën te Real Madridi.
Anësori uellsian është pyetur nëse është penduar për kohën e tij me “Los Blancos”, ndërsa 31 vjeçari e ka mohuar diçka të tillë.
“Ndonjë pendim në Real Madrid? Jo nuk pendohem për asgjë, jo – vetëm kam tentuar të luaj futboll, është e gjitha çfarë mund të bëj dhe gjërat tjera që janë thënë, janë jashtë kontrollit tim”, u shpreh ai.
“Jam rritur në Madrid, shumë njerëz për vërshëllenin në stadium dhe kam mësuar që mos t’i marrë gjërat seriozisht, ky është futbolli”.
