Lefter Zhidru, 71-vjeçari i cili prej 4 orësh nga banesa e tij në Elbasan, po terrorizon gjithë lagjen ku banon, ka kërkuar nga efektivët e policisë që po negociojnë me të, që t’i sjellin djalin afër dhe ai do të dorëzohet.
Por kërkesa e 71-vjeçarit është e pamundur të përmbushet, pasi djali i tij jeton jashtë vendit.
Ndërkohë prej disa orësh bashkë me grupin negociator është vajza 13-vjeçare e të moshuarit e cila po asistohet edhe nga një psikologe. Ajo i ka kërkuar të atit të dorëzohet, por deri më tani përpjekjet e saj nuk kanë dhënë rezultat.
71-vjeçari ka tre fëmijë, nga tre martesa. Ndërkohë dy prej fëmijëve nga martesat e mëparshme jetojnë jashtë vendit.
