Sulmuesi i Milanit, Zlatan Ibrahimovic ka dalë pozitiv me COVID-19. Sulmuesi suedez duhet të izolohet dhe të presë rezultatin e testit të dytë për t’u bashkuar me pjesën tjetër të skuadrës. Më parë te Milani kishte dalë i infektuar mbrojtës Leo Duarte.
Në kampin kuqezi më pas janë testuar të gjithë futbollistët dhe Ibra ka dalë pozitiv, gjë që konfirmohet edhe nga Milani. Suedezi dhe lojtarët e tjetër ishin testuar edhe më parë, sipas protokollit të UEFA-s.
Një lajm i keq për skuadrën e Piolit teksa mbrëmjen e sotme luajnë kundër Bodo Glimt në Europa League ndërsa 38-vjeçari nuk do të jetë i pranishëm.
AC Milan have announced that Zlatan Ibrahimović has tested positive for the coronavirus. pic.twitter.com/1y6sYLQ1X0
— SportsCenter (@SportsCenter) September 24, 2020
