Jose Mourinho e ka mbajtur premtimin e tij, duke dalë foto me një gazetar maqedonas, i cili kishte kërkuar një favor trajnerit të Tottenhamit në emër të babait të tij të ndjerë.
Të mërkurën, gazetari Igor Aleksandrovic kishte shansin e tij për t’i bërë pyetje Mourinhos gjatë konferencës së tij para ndeshjes në Ligën e Evropës kundër Shkëndijës.
Babai i ndjerë i Aleksandrovicit e kishte idhull Mourinhon, dhe për këtë ai i kërkoi një foto, që ta vendos në varrin e tij.
Mourinho u prek nga historia e gazetarit dhe premtoi se një fotografi do të ishte e mundur, pa marr parasysh rezultatin.
“Faleminderit shumë. Fotografitë nuk kanë asnjë lidhje me rezultatin. Fotografia është e kryer, do ta bëjmë”, ka thënë Mou duke thënë se nuk e meriton këtë respekt.
Dhe të enjten në mëngjes, vetëm disa orë para fillimit të ndeshjes, Tottenham postoi një fotografi në Tëitter duke treguar se Mourinho e kishte përmbushur premtimin e tij.
Një ëndërr e bërë realitet për një gazetar nga trajneri portugez./Telegrafi.
DENONCO