Kampioni i Evropës dhe i Gjermanisë, Bayer Munchen, fiton Superkupën e Evropës. Bayerni triumfoi pas 120 minutave me rezultatin 2:1 kundër Sevillës, në finalen e madhe që u zhvillua në stadiumin “Puskas Arena” në Budapest.
Në stadium ishin 20 mijë shikues, aq sa lejonin rregullat e UEFA-së për shkak të pandemisë – Covid 19.
https://www.youtube.com/watch?v=nVvMJTNjUeo
Sevilla ka pasur fat që nuk ka pësuar më shumë gola, por edhe bavarezët i shpëtoi portieri Mauel Neuer. Në minutën e 87-të, Neuer shpëtoi skuadrën nga një gol i sigurtë, sikundër edhe në minutën e 92-të ku aleat i tij ka qenë edhe shtylla e djathtë pingule. Në të dy rastet futbollisti Youssef En Nesyri nuk ka qenë i saktë!
Në minutën e 11-të, Alaba shkakton penallti, duke e penguar kroatin Ivan Rakitiç dhe gjyqtari nuk mendohet dy herë. Futbollisti Lucas Ocampos me qetësi godet dhe kalon në epërsi Sevillën pikërisht në minutën e 12-të. Pavard dështoi nga një rast ideal në minutën e 25-të.
Kampionët e Evropës, në minutën e 29-të patën rast të pastër, por Lewandowski dështoi nga pozita ideale. Në minutën e 34-të, Bayerni barazon rezultatin 1:1. Futbollisti Leon Goretzka nga rreth 12 metra me zgjuarsi goditi topin duke shënuar në këndin e djathtë. Në pjesën e dytë, Bayerni ishte shumë më i mirë.
Në minutën e 51-të, Robert Lewandowski i papenguar nga askush, nga rreth 4-5 metra shënoi por anulohet goli me sistemin e VAR-it, për shkak se ishte në pozitë jashtë loje.
Në minutën e 57-të, Gnabry ka pasur rast ideal por me fat Sevilla.
Në minutën e 78-të, Muller pati mundësi të mirë por sërish me fat Sevilla.
Ndeshja në kohë të rregullt përfundoi 1:1. Ndeshja shkoi në shtesa nga 15 minuta. Në minutën e 104-të, portieri Bono mbron me vetëmohim të madh, topi rikthehet dhe Javi Martinez nga rreth 8-9 metra godet me kokë duke shënuar gol të bukur në këndin e djathtë të portës së Sevillës, 2:1.
Bayerni fiton trofeun e çmueshëm Superkupën e Evropës, për herë të dytë në histori, ndërsa Sevilla të zhgënjyer lëshojnë fushën në Budapest.
Bayerni-Sevilla 2:1 pas 120 minutave
Stadiumi “Puskas Arena” në Budapest.
Shikues: 20.000.
Gjyqtar: A. Taylor (Anglia).
Shënues: Goretzka (34’), Martinez (104’) – Ocampos (12’-nga penalltia).
Kartona të verdhë: Alaba, Hernandez -Jordan, Kounde, Fernando, Escudero.
Bayerni: Neuer, Pavard, Hernandez (Martinez 99’), Sule, Alaba (Boateng 112’), Goretzka (Davies 99’), Kimmich, Sane (Tolisso 71’), Muller, Gnabry dhe Lewandowski.
Sevilla: Bono, Navas, Diego Carlos, Kounde, Escudero, Jordan (Vazquez (94’), Fernando, Rakitiç (Torres 56’) , Suso (Gudel 72’), de Jong (Eh Nesyri 56’) dhe Ocampos.
