‘Unë jam rimishërimi i Krishtit’/ Policia arreston ‘Jezusin’ siberian

Sipas historisë, Jezusi ishte një figurë qëndrore e krishtërimit dhe një profet, ai ndihmonte njerëzit dhe falte çdo mëkat të tyre. Deri këtu le të themi se çdo gjë është në rregull. Kohët e fundit në Rusi ka ndodhur një situatë tepër e pazakontë dhe e mistershme, lideri i një kulti, që e konsideronte veten si rimishërimi i Jezusit është arrestuar. Sergei Torop, 59 vjeç, do të përballet me akuza për organizimin e një besimi të paligjshëm dhe zhvatjen e parave nga anëtarët e kultit të tij, me të cilët ai dyshohet se i kishte abuzuar emocionalisht.

Forcat federale të sigurisë së Rusisë zhvilluan një operacion të veçantë me helikopterë dhe oficerë të armatosur për të sulmuar kultin në Siberi dhe për të arrestuar Toropin, një ish- polic trafiku, i njohur ndër mijëra ndjekësit e tij si Vissarion. Ai u arrestua bashkë me dy ndihmësit e tij. Komiteti Hetimor i rendit akuzoi Toropin, i cili tundet me flokë të gjatë dhe mjekër, për “përdorimin e parave të ndjekësve dhe dhunë psikologjike që dëmton”. Kur la punën si polic trafiku në 1989, Torop tha se përjetoi një “zgjim” që e frymëzoi të niste një lëvizje të quajtur Kisha e Dhiatës së Fundit, e cila ndërthur krishterimin me mjedisin dhe vlerat e tjera, sipas The Guardian.

LEXO EDHE  Fshati më i çuditshëm i Europës/ Jetojnë vetëm dy banorë, por që të dy rrinë me maskë

Ai tha:

Unë nuk jam Zoti. Dhe është gabim të shohësh Jezusin si Zot. Por unë jam fjala e gjallë e Zotit, Atit. Gjithçka që Zoti dëshiron të thotë, ai e thotë përmes meje.

Kulti ka rreth 20 vendbanime thellë në shkretëtirën jugore të Siberisë, ku jetojnë rreth 4,000 besimtarë. Autoritetet thuhet gjithashtu se arrestuan edhe Vadim Redkin, krahun e djathtë të Toropit dhe një bashkëpunëtor tjetër të quajtur Vladimir Vedernikov.Nuk është e qartë se çfarë i shtyu autoritetet t’i suleshin Torop. Kisha Ortodokse Ruse e ka kritikuar kultin në të kaluarën