Një person ka mbërritur i plagosur në urgjencën e spitalit te Durrësit. Raportohet se ngjarja ka ndodhur pak minuta më parë.
I lënduari L.B., rreth 60 vjeç është qëlluar me thikë nga një person me të cilin ishte konfliktuar.
Sakaq, grupi hetimor dhe shërbimet e Policisë janë duke punuar për zbardhjen e ngjarjes, identifikimin dhe kapjen e autorit.
Njoftimi i policisë:
Më datë 23.09.2020, rreth orës 17:10, jemi njoftuar nga Urgjenca e Spitalit Rajonal Durrës, se ka shkuar i dëmtuar me mjet prerës (thikë), në rrethana ende të paqarta shtetasi L.B., rreth 60 vjeç, banues në Durrës, i cili ndodhet nën kujdesin e mjekëve.
Grupi hetimor dhe shërbimet e Policisë janë duke punuar për zbardhjen e ngjarjes, identifikimin dhe kapjen e autorit.
