Një 21-vjeçar shqiptar u plagos orët e para të mëngjesit nga të shtënat me armë në Kallithea të Greqisë.
Sipas Policisë, ngjarja ka ndodhur pak pas orës 01:00, ku një person ende i paidentifikuar e qëlloi emigrantin e ri ndërsa ishte në kryqëzimin e rrugëve Malachias dhe Metamorfoseos.
I plagosuri, u transportua me ambulancën në spital, ku po trajtohet jashtë rrezikut.
Ndërkohë policia ka nisur hetimet për identifikimin e autorit të plagosjes dhe kapjen e tij.
Nga mediat greke, nuk bëhen me dije gjeneralitetet e shqiptarit.
